dots-menu
×

Home  »  The Oxford Book of French Verse  »  25. Rondeaux

St. John Lucas, comp. (1879–1934). The Oxford Book of French Verse. 1920.

Charles D’Orleans 1391–†1465

25. Rondeaux

ii

LES fourriers d’Esté sont venus

Pour appareillier son logis,

Et ont fait tendre ses tappis

De fleurs et de verdure tissus.

En estendant tappis velus

De verte herbe par le pais,

Les fourriers d’Esté sont venus

Pour appareillier son logis.

Cueurs d’ennuy pieça morfondus,

Dieu mercy, sont sains et jolis;

Alez vous en, prenez pais,

Yver, vous ne demourrez plus;

Les fourriers d’Esté sont venus.