Verse > Anthologies > St. John Lucas, comp. > The Oxford Book of French Verse
  PREVIOUS NEXT  
CONTENTS · BIBLIOGRAPHIC RECORD
St. John Lucas, comp. (1879–1934).  The Oxford Book of French Verse.  1920.
 
40. Grant Testament, clxiii–clxv
 
François Villon (1431–?)
 
 
ITEM, j’ordonne à Saincte-Avoye,
Et non ailleurs, ma sepulture;
Et—affin que chascun me voie,
Non pas en char, mais en painture—
Que l’on tire mon estature        5
D’ancre, s’il ne coustoit trop chier.
De tombel? Riens; je n’en ay cure,
Car il greveroit le plancher.
 
Item, vueil qu’autour de ma fosse
Ce que s’ensuit, sans autre histoire,        10
Soit escript, en lettre assez grosse,
Et—qui n’auroit point d’escriptoire—
De charbon ou de pierre noire,
Sans en riens entamer le plastre:
Au moins sera de moy memoire        15
Telle qu’elle est d’ung bon follastre.
 
CY GIST ET DORT EN CE SOLLIER,
QU’AMOURS OCCIST DE SON RAILLON,
UNG POVRE PETIT ESCOLLIER,
QUI FUST NOMMÉ FRANÇOYS VILLON.        20
ONCQUES DE TERRE N’OT SILLON.
IL DONNA TOUT, CHASCUN LE SCET:
TABLES, TRESTEAULX, PAIN, CORBEILLON.
AMANS, DICTES-EN CE VERSET.
 

CONTENTS · BIBLIOGRAPHIC RECORD
  PREVIOUS NEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors