| St. John Lucas, comp. (1879–1934). The Oxford Book of French Verse. 1920. |
| |
| 82. Sonnets |
| | | ix |
| | | Joachim Du Bellay (1525–†1560) |
| |
| |
| J’AYME la liberté, et languis en service, | |
| Je n’ayme point la Court, et me fault courtiser, | |
| Je n’ayme la feintise, et me fault deguiser, | |
| J’ayme simplicité, et n’apprens que malice. | |
| |
| Je n’adore les biens, et sers à l’avarice, | 5 |
| Je n’ayme les honneurs, et me les fault priser, | |
| Je veulx garder ma foy, et me la fault briser, | |
| Je cherche la vertu, et ne trouve que vice. | |
| |
| Je cherche le repos, et trouver ne le puis, | |
| J’embrasse le plaisir, et n’esprouve qu’ennuis, | 10 |
| Je n’ayme à discourir, en raison je me fonde: | |
| |
| J’ay le corps maladif, et me fault voyager, | |
| Je suis né pour la Muse, on me fait mesnager: | |
| Ne suis-je pas (Morel) le plus chetif du monde? | |
| |
|
|
|
