Epitaph of Heluia Prima by Anonymous. Heathcote William Garrod, comp. 1912. The Oxford Book of Latin Verse

Heathcote William Garrod, comp. (1878–1960). The Oxford Book of Latin Verse. 1912.

Epitaph of Heluia Prima

Anonymous (40 B.C. (?))


TV qui secura spatiaris mente uiator
et nostri uoltus derigis inferieis,
si quaeris quae sim, cinis en et tosta fauilla,
ante obitus tristeis Heluia Prima fui.
coniuge sum Catulo fructa, actore Isocrateio,	5
concordesque pari uiximus ingenio.
nunc data sum Diti longum mansura per aeuum
deducta et fatali igne et aqua Stygia.