| Heathcote William Garrod, comp. (1878–1960). The Oxford Book of Latin Verse. 1912. |
| |
| The Marriage of Pudens and Claudia |
| | | Martial (c.A.D. 40–c.A.D. 104) |
| |
| |
| CLAVDIA, Rufe, meo nubit Peregrina Pudenti: | |
| macte esto taedis, o Hymenaee, tuis. | |
| tam bene rara suo miscentur cinnama nardo, | |
| Massica Theseis tam bene uina fauis; | |
| nec melius teneris iunguntur uitibus ulmi, | 5 |
| nec plus lotos aquas, litora myrtus amat. | |
| candida perpetuo reside, Concordia, lecto, | |
| tamque pari semper sit Venus aequa iugo. | |
| diligat illa senem quondam, sed et ipsa marito | |
| tum quoque cum fuerit, non uideatur anus. | 10 |
| |
|
|
|
