| Heathcote William Garrod, comp. (1878–1960). The Oxford Book of Latin Verse. 1912. |
| |
| A Letter to Caecilius |
| | | Caius Valerius Catullus (84? B.C.–54? B.C.) |
| |
| |
| POETAE tenero, meo sodali, | |
| uelim Caecilio, papyre, dicas | |
| Veronam ueniat, Noui relinquens | |
| Comi moenia Lariumque litus. | |
| nam quasdam uolo cogitationes | 5 |
| amici accipiat sui meique, | |
| quare si sapiet uiam uorabit, | |
| quamuis candida milies puella | |
| euntem reuocet, manusque collo | |
| ambas iniciens roget morari. | 10 |
| quae nunc, si mihi uera nuntiantur, | |
| illum deperit impotente amore. | |
| nam quo tempore legit incohatam | |
| Dindymi dominam, ex eo misellae | |
| ignes interiorem edunt medullam. | 15 |
| ignosco tibi, Sapphica puella | |
| musa doctior; est enim uenuste | |
| magna Caecilio incohata mater. | |
| |
|
|
|
