Verse > Anthologies > Henry Wadsworth Longfellow, ed. > Poems of Places > Scotland
Henry Wadsworth Longfellow, ed.  Poems of Places: An Anthology in 31 Volumes.
Scotland: Vols. VI–VIII.  1876–79.
The Lovely Lass o’ Inverness
Robert Burns (1759–1796)
THE LOVELY lass o’ Inverness,
  Nae joy nor pleasure can she see;
For e’en and morn she cries, “Alas!”
  And aye the saut tear blin’s her e’e.
“Drumossie Moor,—Drumossie-day,—        5
  A waefu’ day it was to me!
For there I lost my father dear,
  My father dear, and brethren three.
“Their winding-sheet the bluidy clay,
  Their graves are growing green to see,        10
And by them lies the dearest lad
  That ever blest a woman’s e’e!
Now wae to thee, thou cruel lord,
  A bluidy man I trow thou be!
For monie a heart thou hast made sair,        15
  That ne’er did wrong to thine or thee.”

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.