Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79. | | | | Killiecrankie | | Killicrankie | | Anonymous |
| | | WHARE ha’e ye been sae braw, lad? | |
| Whare ha’e ye been sae brankie, O? | |
| Whare ha’e ye been sae braw, lad? | |
| Came ye by Killicrankie, O? | |
| An ye had been whare I ha’e been, | 5 |
| Ye wadna been sae cantie, O; | |
| And ye had seen what I ha’e seen, | |
| I’ the braes o’ Killicrankie, O. | |
| |
| I faught at land, I faught at sea, | |
| At hame I faught my auntie, O; | 10 |
| But I met the devil and Dundee, | |
| On the braes o’ Killicrankie, O; | |
| An ye had been, etc. | |
| |
| The bauld Pitcur fell in a furr, | |
| And Clavers gat a clankie, O, | 15 |
| Or I had fed an Athol gled | |
| On the braes o’ Killicrankie, O. | |
| An ye had been, etc. | |
| |
| O fie, Mackay, what gart ye lie | |
| I’ the bush ayont the brankie, O? | 20 |
| Ye ’d better kissed King Willie’s loof, | |
| Than come to Killicrankie, O. | |
| It ’s nae shame, it ’s nae shame, | |
| It ’s nae shame to shank ye, O; | |
| There ’s sour slaes on Athol braes, | 25 |
| And deils at Killicrankie, O. | | | | |
|
|
