Verse > Anthologies > Henry Wadsworth Longfellow, ed. > Poems of Places > Scotland
  PREVIOUSNEXT  
CONTENTS · BOOK CONTENTS · BIBLIOGRAPHIC RECORD
Henry Wadsworth Longfellow, ed.  Poems of Places: An Anthology in 31 Volumes.
Scotland: Vols. VI–VIII.  1876–79.
 
Ordie, the River
Ordé Braes
Robert Nicoll (1814–1837)
 
THERE ’s nae hame like the hame o’ youth,
  Nae ither spot sae fair;
Nae ither faces look sae kind
  As the smilin’ faces there.
An’ I ha’e sat by mony streams,        5
  Ha’e travelled mony ways;
But the fairest spot on the earth to me
  Is on bonnie Ordé Braes.
 
An ell-lang wee thing then I ran
  Wi’ the ither neebor bairns,        10
To pu’ the hazel’s shining nuts,
  An’ to wander ’mang the ferns;
An’ to feast on the bramble-berries brown,
  An’ gather the glossy slaes,
By the burnie’s side, an’ aye sinsyne        15
  I ha’e loved sweet Ordé Braes.
 
The memories o’ my father’s hame,
  An’ its kindly dwellers a’,
O, the friends I loved wi’ a young heart’s love
  Ere care that heart could thraw,        20
Are twined wi’ the stanes o’ the silver burn,
  An’ its fairy crooks an’ bays,
That onward sang ’neath the gowden broom
  Upon bonnie Ordé Braes.
 
Aince on a day there were happy hames        25
  By the bonnie Ordé’s side:
Nane ken how meikle peace an’ love
  In a straw-roofed cot can bide.
But the hames are gane, an’ the hand o’ time
  The roofless wa’s doth raze;        30
Laneness an’ sweetness hand in hand
  Gang ower the Ordé Braes.
 
O, an’ the sun were shinin’ now,
  An’ O, an’ I were there,
Wi’ twa three friends o’ auld langsyne,        35
  My wanderin’ joy to share!
For though on the hearth o’ my bairnhood’s hame
  The flock o’ the hills doth graze,
Some kind hearts live to love me yet
  Upon bonnie Ordé Braes.        40
 
 
CONTENTS · BOOK CONTENTS · BIBLIOGRAPHIC RECORD
  PREVIOUSNEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors