Verse > Anthologies > Alfred H. Miles, ed. > Women Poets of the Nineteenth Century
  PREVIOUSNEXT  
CONTENTS · BIBLIOGRAPHIC RECORD
Alfred H. Miles, ed.  Women Poets of the Nineteenth Century.  1907.
 
Songs.
VI. Wha’ll be King but Charlie?
By Carolina, Lady Nairne (1766–1845)
 
THE NEWS frae Moidart cam’ yestreen,
  Will soon gar mony ferlie;
For ships o’ war hae just come in,
  And landit Royal Charlie.
 
Come thro’ the heather, around him gather,        5
  Ye’re a’ the welcomer early;
Around him cling wi’ a’ your kin;
  For wha’ll be king but Charlie?
Come thro’ the heather, around him gather,
Come Ronald, come Donald, come a’ thegether        10
And crown your rightfu’, lawfu’ king!
  For wha’ll be king but Charlie?
 
The Heiland clans, wi’ sword in hand,
  Frae John o’ Groats to Airlie,
Hae to a man declared to stand        15
  Or fa’ wi’ Royal Charlie.
 
The Lowlands a’, baith great an’ sma,
  Wi’ mony a lord and laird, hae
Declar’d for Scotia’s king an’ law,
  An’ speir ye wha but Charlie.        20
 
There’s ne’er a lass in a’ the lan’,
  But vows baith late an’ early,
She’ll ne’er to man gie heart nor han’,
  Wha wadna fecht for Charlie.
 
Then here’s a health to Charlie’s cause,        25
  And be’t complete an’ early;
His very name our heart’s blood warms;
  To arms for Royal Charlie!
 
Come thro’ the heather, around him gather,
  Ye’re a’ the welcomer early;        30
Around him cling wi’ a’ your kin;
  For wha’ll be king but Charlie?
Come thro’ the heather, around him gather,
Come Ronald, come Donald, come a’ thegether,
And crown your rightfu’, lawfu’ king!        35
  For wha’ll be king but Charlie?
 
 
CONTENTS · BIBLIOGRAPHIC RECORD
  PREVIOUSNEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors