dots-menu
×

Home  »  The Book of Restoration Verse  »  Anonymous

William Stanley Braithwaite, ed. The Book of Restoration Verse. 1910.

Bonnie George Campbell

Anonymous

HIE upon Hielands,

And low upon Tay,

Bonnie George Campbell

Rade out on a day.

Saddled and bridled

And gallant rade he;

Hame cam his gude horse,

But never cam he!

Out cam his auld mither

Greeting fu’ sair,

And out cam his bonnie bride

Rivin’ her hair.

Saddled and bridled

And booted rade he;

Toom hame cam the saddle,

But never cam he!

‘My meadow lies green,

And my corn is unshorn;

My barn is to big,

And my babie’s unborn.’

Saddled and bridled

And booted rade he;

Toom hame cam the sadle,

But never cam he!