Robert Burns (1759-1796). Of a' the Airts the Wind Can Blaw. William Stanley Braithwaite, ed. 1909. The Book of Georgian Verse

William Stanley Braithwaite, ed. The Book of Georgian Verse. 1909.

Of a’ the Airts the Wind Can Blaw

By Robert Burns (1759–1796)


OF a’ the airts the wind can blaw,
I dearly like the west,
For there the bonnie lassie lives,
The lassie I lo’e best:
There wild-woods grow, and rivers row,	5
And mony a hill between:
But day and night my fancy’s flight
Is ever wi’ my Jean.

I see her in the dewy flowers,
I see her sweet and fair:	10
I hear her in the tunefu’ birds,
I hear her charm the air:
There’s not a bonnie flower that springs,
By fountain, shaw, or green;
There’s not a bonnie bird that sings,	15
But minds me o’ my Jean.