| William Stanley Braithwaite, ed. The Book of Georgian Verse. 1909. | | | | Blithe Are We Set wi’ Ither | | By Ebenezer Picken (1769–1816) |
| | | BLITHE are we set wi’ ither; | |
| Fling care ayont the moon! | |
| Nae sae aft we meet thegither | |
| Wha wad think o’ partin’ soon? | |
| Though snaw bend down the forest trees, | 5 |
| And burn and river cease to flow, | |
| Though Nature’s tide ha’e shored to freeze, | |
| And winter nithers a’ below, | |
| Blithe are we, etc. | |
| |
| Now round the ingle cheerly met, | 10 |
| We’ll scog the blast, and dread nae harm; | |
| Wi’ jows o’ toddy, reekin’ het, | |
| We’ll keep the genial current warm. | |
| The frien’ly crack, the cheerfu’ sang | |
| Shall cheat the happy hours awa’, | 15 |
| Gar pleasure reign the e’enin’ lang, | |
| And laugh at bitin’ frost and snaw. | |
| Blithe are we, etc. | |
| |
| The cares that cluster roun’ the heart, | |
| And gar the bosom stoun’ wi’ pain, | 20 |
| Shall get a fright afore we part, | |
| Will gar them fear to come again. | |
| Then, fill about, my winsome chiels! | |
| The sparklin’ glass will banish pine; | |
| Nae pain the happy bosom feels, | 25 |
| Sae free o’ care as yours and mine. | |
| Blithe are we, etc. | | | | |
|
|
