Verse > Anthologies > William Stanley Braithwaite, ed. > The Book of Georgian Verse
  PREVIOUSNEXT  
CONTENTS · GLOSSARY · BIBLIOGRAPHIC RECORD
William Stanley Braithwaite, ed.  The Book of Georgian Verse.  1909.
 
The Land o’ the Leal
By Carolina Oliphant, Lady Nairne (1766–1845)
 
I’M wearin’ awa’, John,
Like snaw-wreaths in thaw, John—
I’m wearin’ awa’
  To the land o’ the leal.
There’s nae sorrow there, John;        5
There’s neither cauld nor care, John—
The day is aye fair
  In the land o’ the leal.
 
Our bonnie bairn’s there, John;
She was baith guid and fair, John;        10
And, oh! we grudged her sair
  To the land o’ the leal.
But sorrow’s sel’ wears past, John,
And joy ’s a-coming fast, John—
The joy that’s aye to last        15
  In the land o’ the leal.
 
Sae dear’s the joy was bought, John,
Sae free the battle fought, John,
That sinfu’ man e’er brought
  To the land o’ the leal.        20
O, dry your glistening e’e, John!
My saul longs to be free, John,
And angels beckon me
  To the land o’ the leal.
 
O, haud ye leal and true, John;        25
Your day it’s wearin’ through, John,
And I’ll welcome you
  To the land o’ the leal.
Now fare-ye-weel, my ain John:
This warld’s cares are vain, John;—        30
We’ll meet, and we’ll be fain,
  In the land o’ the leal.
 
 
CONTENTS · GLOSSARY · BIBLIOGRAPHIC RECORD
  PREVIOUSNEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors