Verse > Anthologies > T. H. Ward, ed. > The English Poets > Vol. I. Chaucer to Donne
Thomas Humphry Ward, ed.  The English Poets.  1880–1918.
Vol. I. Early Poetry: Chaucer to Donne
Extracts from the Aeneid: Sleep
By Gawain Douglas (c. 1474–1522)
 Quhat sorow dreis 1 queyne Dido all the nycht,
And quhow Mercuir bad Enee tak the flycht.

THE NYCHT followis, and euery wery wicht
Throw out the erd has caucht anone richt
The sound plesand slepe thame likit best;
Woddis and rageand seis war at rest;
And the sternis thar myd cours rollis down;        5
All feyldis still, but othir noyis or sown;
And bestis and birdis of diuers culloris seir, 2
And quhatsumevir in the braid lochis weir,
Or amang buskis harsk leyndis 3 ondir the spray,
Throw nichtis silence slepit quhar thai lay,        10
Mesing 4 ther besy thocht and curis smart,
All irksum laubour forȝet and out of hart.
Bot the onrestles fey 5 spreit did nocht so
Of this wnhappy Phenician Dido:
For neuir mair may scho sleip a wynk,        15
Nor nychtis rest in ene nor breist lat synk:
The hevy thochtis multiplyis euir onane; 6
Strang luif begynis to rage and ryse agane,
And felloun stormis of ire gan hir to schaik:
Thus fynaly scho out bradis, 7 alaik!        20
Rolling allane sere thingis in hir thocht.
Note 1. suffers. [back]
Note 2. several. [back]
Note 3. dwells among rough bushes. [back]
Note 4. diminishing. [back]
Note 5. fated. [back]
Note 6. one another. [back]
Note 7. starts. [back]

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.