dots-menu
×

Home  »  The English Poets  »  This Is No My Ain Lassie

Thomas Humphry Ward, ed. The English Poets. 1880–1918.rnVol. III. The Eighteenth Century: Addison to Blake

Robert Burns (1759–1796)

This Is No My Ain Lassie

TUNE—‘This is no my ain House.’

THIS is no my ain lassie,

Fair tho’ the lassie be;

Weel ken I my ain lassie,

Kind love is in her e’e.

I see a form, I see a face,

Ye weel may wi’ the fairest place:

It wants, to me, the witching grace,

The kind love that ’s in her e’e.
This is no, &c.

She ’s bonie, blooming, straight, and tall,

And lang has had my heart in thrall;

And aye it charms my very saul,

The kind love that ’s in her e’e
This is no, &c.

A thief sae pawkie is my Jean,

To steal a blink, by a’ unseen;

But gleg as light are lovers’ een,

When kind love is in the e’e.
This is no, &c.

It may escape the courtly sparks,

It may escape the learned clerks;

But weel the watching lover marks

The kind love that ’s in her e’e.
This is no, &c.