Verse > Anthologies > T. H. Ward, ed. > The English Poets > Vol. III. Addison to Blake
  PREVIOUSNEXT  
CONTENTS · BIBLIOGRAPHIC RECORD
Thomas Humphry Ward, ed.  The English Poets.  1880–1918.
Vol. III. The Eighteenth Century: Addison to Blake
 
Wha ’ll Be King but Charlie?
By Carolina Oliphant, Lady Nairne (1766–1845)
 
THE NEWS frae Moidart cam’ yestreen
  Will soon gar mony ferlie; 1
For ships o’ war hae just come in
  And landit Royal Charlie.
 
Come through the heather, around him gather,        5
  Ye ’re a’ th’ welcomer early;
Around him cling wi’ a’ your kin,
  For wha ’ll be King but Charlie?
Come through the heather, around him gather,
Come Ronald, come Donald, com a’ thegither,        10
And crown your rightfu’ lawfu’ King,
  For wha ’ll be King but Charlie?
 
The Hieland clans, wi’ sword in hand,
  Frae John o’ Groats to Airlie,
Hae to a man declared to stand,        15
  Or fa’ wi’ Royal Charlie,
      Come through the heather, &c.
 
The Lowlands a’, baith great and sma’,
  Wi mony a lord and laird, hae
Declared for Scotia’s King and law,
  And spier ye wha but Charlie?
      Come through the heather, &c.
        20
 
There ’s nae a lass in a’ the lan’,
  But vows faith late an’ early,
She ’ll ne’er to man gie heart nor han’,
  Wha wadna fecht for Charlie.
      Come through the heather, &c.
 
Then here ’s a health to Charlie’s cause,        25
  And be ’t complete an’ early;
His very name our hearts’ blood warms,
  To arms for Royal Charlie!
      Come through the heather, &c.
 
Note 1. make many wonder. [back]
 
 
CONTENTS · BIBLIOGRAPHIC RECORD
  PREVIOUSNEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors