| John Donne (1572–1631). The Poems of John Donne. 1896. | | | | Letters to Several Personages | | De Libro cum mutuaretur: Doctissimo Amicissimoque v. D. D. Andrews |
| | IMPRESSO, DOMI A PUERIS FRUSTRATIM LACERATO, ET POST REDDITO MANUSCRIPTO |
|
Parturiunt madido quæ nixu præla recepta; | |
| Sed quæ scripta manu sunt, veneranda magis. | |
| Transiit in Sequanam Mœnus; victoris in ædes, | |
| Et Francofurtum, te revehente meat. | |
| Qui liber in pluteos, blattis, cinerique relictos, | 5 |
| Si modo sit præli sanguine tinctus, abit, | |
| Accedat calamo scriptus, reverenter habetur, | |
| Involat et veterum scrinia summa patrum. | |
| Dicat Apollo modum; pueros infundere libro | |
| Nempe vetustatem canitiemque novo. | 10 |
| Nil mirum, medico pueros de semine natos, | |
| Hæc nova fata libro posse dedisse novo. | |
| Si veterem faciunt pueri, qui nuperus, annon | |
| Ipse pater, juvenem, me dabit arte, senem? | |
| Hei miseris senibus; nos vertit dura senectus | 15 |
| Omnes in pueros, neminem at in juvenem. | |
| Hoc tibi servasti præstandum, Antique Dierum, | |
| Quo viso, et vivit, et juvenescit Adam. | |
| Inter ea, infirmæ fallamus tædia vitæ, | |
| Libris, et cœlorum æmulâ amicitiâ. | 20 |
| Hos inter, qui a te mihi redditus iste libellus, | |
| Non mihi tam carus, tam meus, ante fuit. | | | |
|
|
|
