Verse > Anthologies > The World’s Best Poetry > Vol. III. Sorrow and Consolation
Bliss Carman, et al., eds.  The World’s Best Poetry.
Volume III. Sorrow and Consolation.  1904.
II. Parting and Absence
The Rustic Lad’s Lament in the Town
David Macbeth Moir (1798–1851)
O, WAD that my time were owre but,
  Wi’ this wintry sleet and snaw,
That I might see our house again,
  I’ the bonnie birken shaw!
For this is no my ain life,        5
  And I peak and pine away
Wi’ the thochts o’ hame and the young flowers,
  In the glad green month of May.
I used to wauk in the morning
  Wi’ the loud sang o’ the lark,        10
And the whistling o’ the ploughman lads,
  As they gaed to their wark;
I used to wear the bit young lambs
  Frae the tod and the roaring stream;
But the warld is changed, and a’ thing now        15
  To me seems like a dream.
There are busy crowds around me,
  On ilka lang dull street;
Yet, though sae mony surround me,
  I ken na ane I meet:        20
And I think o’ kind kent faces,
  And o’ blithe an’ cheery days,
When I wandered out wi’ our ain folk,
  Out owre the simmer braes.
Waes me, for my heart is breaking!        25
  I think o’ my brither sma’,
And on my sister greeting,
  When I cam frae hame awa.
And O, how my mither sobbit,
  As she shook me by the hand,        30
When I left the door o’ our auld house,
  To come to this stranger land.
There ’s nae hame like our ain hame—
  O, I wush that I were there!
There ’s nae hame like our ain hame        35
  To be met wi’ onywhere;
And O that I were back again,
  To our farm and fields sae green;
And heard the tongues o’ my ain folk,
  And were what I hae been!        40

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.