Verse > Anthologies > Ralph Waldo Emerson, ed. > Parnassus: An Anthology of Poetry
Ralph Waldo Emerson, comp. (1803–1882).  Parnassus: An Anthology of Poetry.  1880.
Fair Annie
By Sir Walter Scott (1771–1832)
“IT’S narrow, narrow, make your bed,
And learn to lie your lane;
For I’m gaun o’er the sea, Fair Annie,
A braw bride to bring hame.
Wi’ her I will get gowd and gear;        5
Wi’ you I ne’er got nane.
“But wha will bake my bridal bread,
Or brew my bridal ale?
And wha will welcome my brisk bride,
That I bring o’er the dale?”—        10
“It’s I will bake your bridal bread,
And brew your bridal ale;
And I will welcome your brisk bride,
That you bring o’er the dale.”—
“But she that welcomes my brisk bride        15
Maun gang like maiden fair;
She maun lace on her robe sae jimp,
And braid her yellow hair.”—
“But how can I gang maiden-like,
When maiden I am nane?        20
Have I not born seven sons to thee,
And am with child again?”—
She’s ta’en her young son in her arms,
Another in her hand;
And she’s up to the highest tower,        25
To see him come to land.
“Come up, come up, my eldest son,
And look o’er yon sea-strand,
And see your father’s new-come bride,
Before she come to land.”—        30
“Come down, come down, my mother dear,
Come frae the castle wa’!
I fear, if langer ye stand there,
Ye’ll let yoursell down fa’.”—
And she gaed down, and farther down,        35
Her love’s ship for to see;
And the topmast and the mainmast
Shone like the silver free.
And she’s gane down, and farther down,
The bride’s ship to behold;        40
And the topmast and the mainmast
They shone just like the gold.
She’s ta’en her seven sons in her hand;
I wot she did’na fail!
She met Lord Thomas and his bride,        45
As they came o’er the dale.
“You’re welcome to your house, Lord Thomas;
You’re welcome to your land;
You’re welcome, with your fair ladye,
That you lead by the hand.        50
“You’re welcome to your ha’s ladye,
You’re welcome to your bowers;
You’re welcome to your hame, ladye,
For a’ that’s here is yours.”—
“I thank thee, Annie; I thank thee, Annie;        55
Sae dearly as I thank thee;
You’re the likest to my sister Annie,
That ever I did see.
“There came a knight out o’er the sea,
And stealed my sister away;        60
The shame scoup in his company
And land where’er he gae!”—
She hang ae napkin at the door,
Another in the ha’;
And a’ to wipe the trickling tears,        65
Sae fast as they did fa’.
And aye she served the lang tables
With white bread and with wine;
And aye she drank the wan water,
To haud her colour fine.        70
And aye she served the lang tables,
With white bread and with brown;
And ay she turned her round about,
Sae fast the tears fell down.
And he’s ta’en down the silk napkin,        75
Hang on a silver pin;
And aye he wipes the tear trickling
Adown her cheek and chin.
And aye he turned him round about,
And smiled amang his men,        80
Says—“Like ye best the old ladye,
Or her that’s new come hame?”—
When bells were rung, and mass was sung,
And a’ men bound to bed,
Lord Thomas and his new-come bride,        85
To their chamber they were gaed.
Annie made her bed a little forbye,
To hear what they might say;
“And ever alas!” fair Annie cried,
“That I should see this day!        90
“Gin my seven sons were seven young rats,
Running on the castle wa’,
And I were a grey cat mysell,
I soon would worry them a’.
“Gin my seven sons were seven young hares,        95
Running o’er yon lilly lee,
And I were a grew hound mysell,
Soon worried they a’ should be.”—
And wae and sad fair Annie sat,
And drearie was her sang;        100
And ever, as she sobbed and grat,
“Wae to the man that did the wrang!”—
“My gown is on,” said the new-come bride,
“My shoes are on my feet,
And I will to fair Annie’s chamber,        105
And see what gars her greet.
“What ails ye, what ails ye, Fair Annie,
That ye make sic a moan?
Has your wine barrells cast the girds,
Or is your white bread gone?        110
“O wha was’t was your father, Annie,
Or wha was’t was your mother?
And had you ony sister, Annie,
Or had you ony brother?”—
“The Earl of Wemyss was my father,        115
The Countess of Wemyss my mother;
And a’ the folk about the house,
To me were sister and brother.”—
“If the Earl of Wemyss was your father,
I wot sae was he mine;        120
And it shall not be for lack o’gowd,
That ye your love sall tyne.
“Come to your bed, my sister dear,
It ne’er was wranged for me,
But an ae kiss of his merry mouth,        125
As we cam owre the sea.”
“Awa, awa, ye forenoon bride,
Awa, awa frae me:
I wudna hear my Annie greet,
For a’ the gold I got wi’ thee.”        130
“O I have seven ships o’ mine ain,
A’ loaded to the brim;
And I will gie them a’ to thee,
Wi’ four to thine eldest son,
But thanks to a’ the powers in heaven        135
That I gae maiden hame!”

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.