482. Song-Pretty Peg, my dearie. Burns, Robert. 1909-14. Poems and Songs. The Harvard Classics

Robert Burns (1759–1796). Poems and Songs.
The Harvard Classics. 1909–14.

482. Song—Pretty Peg, my dearie


AS I gaed up by yon gate-end,
When day was waxin’ weary,
Wha did I meet come down the street,
But pretty Peg, my dearie!

Her air sae sweet, an’ shape complete,	5
Wi’ nae proportion wanting,
The Queen of Love did never move
Wi’ motion mair enchanting.

Wi’ linkèd hands we took the sands,
Adown yon winding river;	10
Oh, that sweet hour and shady bower,
Forget it shall I never!