Reference > Anthologies > Warner, et al., eds. > The Library > Verse
  PREVIOUSNEXT  

CONTENTS · GENERAL INDEX · QUICK INDEX · SONGS & LYRICS · BIOGRAPHIES
READER’S DIGEST · STUDENT’S COURSE · PORTRAITS · BIBLIOGRAPHIC RECORD
C.D. Warner, et al., comp.  The Library of the World’s Best Literature.
An Anthology in Thirty Volumes.  1917.
 
When Maggy Gangs Away
By James Hogg (1770–1835)
 
OH, what will a’ the lads do
  When Maggy gangs away?
Oh, what will a’ the lads do
  When Maggy gangs away?
There’s no a heart in a’ the glen        5
  That disna dread the day:
Oh, what will a’ the lads do
  When Maggy gangs away?
 
Young Jock has ta’en the hill for’t,
  A waefu’ wight is he;        10
Poor Harry’s ta’en the bed for’t,
  An’ laid him down to dee;
An’ Sandy’s gane unto the kirk,
  An’ learnin’ fast to pray:
An’ oh, what will the lads do        15
  When Maggy gangs away?
 
The young laird o’ the Lang-Shaw
  Has drunk her health in wine;
The priest has said—in confidence—
  The lassie was divine,        20
An’ that is mair in maiden’s praise
  Than ony priest should say:
But oh, what will the lads do
  When Maggy gangs away?
 
The wailing in our green glen        25
  That day will quaver high;
’Twill draw the redbreast frae the wood,
  The laverock frae the sky;
The fairies frae their beds o’ dew
  Will rise an’ join the lay:        30
An’ hey! what a day ’twill be
  When Maggy gangs away!
 
 
CONTENTS · GENERAL INDEX · SONGS & LYRICS · BIOGRAPHICAL DICTIONARY
READER’S DIGEST · STUDENT’S COURSE · BIBLIOGRAPHIC RECORD
  PREVIOUSNEXT  
 

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 Bartleby.com · [Top 150] · Subjects · Titles · Authors · World Lit.