Contents -BIBLIOGRAPHIC RECORD

St. John Lucas, comp. (1879–1934). The Oxford Book of French Verse. 1920.

Auteur Inconnu XV^e Siècle

19. Complainte Normande d’un Auteur inconnu

HELLAS! Ollivier Basselin,

N’orrons nous poinct de vos nouvelles?

Vous ont les Engloys mys à fin?

Vous soulliés gayement chanter

Et demener joyeuse vye,

Et les bons compagnons hanter

Par le pays de Normandye.

Jusqu’à Sainct Lô, en Cotentin,

En une compaignye moult belle,

Oncques ne vu tel pellerin.

Les Engloys ont faict desraison

Aux compaignons du Vau de Vire

Vous n’orrez plus dire chanson

A ceulx qui les soulloient bien dire.

Nous priron Dieu de bon cueur fin

Et la doulce Vierge Marie

Qu’il doint aux Engloys male fin.

Dieu le Pere si les mauldye!