dots-menu
×

Home  »  The Oxford Book of Latin Verse  »  To his Patron

Heathcote William Garrod, comp. (1878–1960). The Oxford Book of Latin Verse. 1912.

Flavius Felix circa 480 A.D.

To his Patron

SIC tibi florentes aequaeuo germine nati

indolis aetheriae sidera celsa petant,

sic priscos uincant atauos clarosque parentis

exsuperent meritis saeclaque longa gerant,

sic subolis numerum transcendat turba nepotum

nobilibusque iuges gaudia tanta toris:

ne sterilem praestes indigno munere Musam,

utque soles, largus carmina nostra foue,

imperiis ut nostra tuis seruire Thalia

possit et in melius personet icta chelys.