Verse > Anthologies > T. R. Smith, ed. > Poetica Erotica: A Collection of Rare and Curious Amatory Verse
T. R. Smith, comp.  Poetica Erotica: Rare and Curious Amatory Verse.  1921–22.
By Robert Burns (1759–1796)
(From Merry Muses of Caledonia, c. 1800)

YESTREEN I had a pint o’ wine,
  A place where body saw na;
Yestreen lay on this breast of mine,
  The raven locks of Anna.
The hungry Jew, in wilderness,        5
  Rejoicing o’er his manna,
Was naething to my hinny bliss,
  Upon the lips of Anna.
Ye monarchs take the East and West,
  Frae Indus to Savannah;        10
Gie me within my straining grasp,
  The melting form of Anna.
Then I’ll despise Imperial charms,
  An Empress or Sultana;
While dying raptures in her arms,        15
  I give and take with Anna.
Awa thou flaunting God of Day!
  Awa thou pale Diana!
Ilk star gae hide thy twinkling ray,
  When I’m to meet my Anna.        20
Come in thy raven-plumage, Night,
  Sun, moon and stars withdrawn a’!
An’ bring an angel-pen to write
  My transports wi’ my Anna.
The kirk and state may join and tell
  To do sic things I maunna;
The kirk and state may gae to hell,
  An’ I shall gae to Anna.
She is the sunshine o’ my e’e,
  To live but her I canna;        30
Had I on earth but wishes three,
  The first should be my Anna.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.