Verse > Anthologies > T. R. Smith, ed. > Poetica Erotica: A Collection of Rare and Curious Amatory Verse
T. R. Smith, comp.  Poetica Erotica: Rare and Curious Amatory Verse.  1921–22.
Jockey Was a Bonny Lad
By Robert Burns (1759–1796)
(An old Scots countryside song. From The Merry Muses of Caledonia, c. 1800)

MY Jockey is a bonny lad,
  A dainty lad, a merry lad,
A neat sweet pretty little lad,
  An’ just the lad for me.
For when we o’r the meadows stray,        5
  He’s ay sae lively, ay sae gay,
An’ aft right canty does he say
  There’s nane he loes like me.
    An’ he’s ay huggin’, ay dawtin’,
      Ay clappin’, ay pressin’,        10
    Ay squeezin’, ay kissin’,
      An’ winna let me be.
I met my lad the ither day,
  Friskin’ thro’ a field o’ hay,
Sayes he, “Dear Jenny, will ye stay        15
  An’ crack a while wi’ me?”
“Na, Jockey lad, I darena stay,
  My mither she’d miss me away,
Syne she’ll flyte an’ scauld a’ day,
  An’ play she deil wi’ me.”        20
But Jockey still continued
Huggin’, dawtin’, clappin’, squeezin’, &c.
“Hoot! Jockey, see my hair is down,
  An’ look, you’ve torn a’ my gown,
An’ how will I gae thro’ the town?        25
  Dear laddie, tell to me.”
He never minded what I said,
  But wi’ my neck an’ bosom play’d;
Tho’ I entreated, begg’d an’ pray’d
  Him no to touzle me.        30
    But Jockey still continued
      Huggin’, dawtin’, clappin’, squeezin’,
    An’ ay kissin’, kissin’, kissin’,
      Till down cam we.
As breathless an’ fatigued I lay        35
  In his arms among the hay,
My blood fast thro’ my veins did play
  As he lay huggin’ me;
I thought my breath would never last,
  For Jockey danc’d sae devilish fast;        40
But what cam o’e, I trow, at last,
  There’s deil ane kens but me.
    But soon he wearied of his dance,
      O’ a’ his jumpin’ an’ his prance,
    An’ confess’d without romance,        45
      He was fain to let me be.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.