Verse > Anthologies > The World’s Best Poetry > Vol. I. Of Home: of Friendship
Bliss Carman, et al., eds.  The World’s Best Poetry.
Volume I. Of Home: of Friendship.  1904.
Poems of Home: I. About Children
The Babie
Jeremiah Eames Rankin (1828–1903)
NAE shoon to hide her tiny taes,
  Nae stockin’ on her feet;
Her supple ankles white as snaw,
  Or early blossoms sweet.
Her simple dress o’ sprinkled pink,        5
  Her double, dimplit chin,
Her puckered lips an’ baumy mou’,
  With na ane tooth within.
Her een sae like her mither’s een,
  Twa gentle, liquid things;        10
Her face is like an angel’s face,
  We ’re glad she has nae wings.
She is the buddin’ o’ our luve,
  A giftie God gied us:
We maun na luve the gift owre weel,        15
  ’T wad be nae blessing thus.
We still maun lo’e the Giver mair
  An’ see Him in the given;
An’ sae she ’ll lead us up to Him,
  Our babie straight frae Heaven.        20

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.