Verse > Harvard Classics > Robert Burns > Poems and Songs
Robert Burns (1759–1796).  Poems and Songs.
The Harvard Classics.  1909–14.
194. Song—Blythe was She
Tune—“Andro and his Cutty Gun.”
Chorus.—Blythe, blythe and merry was she,
  Blythe was she but and ben;
Blythe by the banks of Earn,
  And blythe in Glenturit glen.
BY 1 Oughtertyre grows the aik,        5
  On Yarrow banks the birken shaw;
But Phemie was a bonier lass
  Than braes o’ Yarrow ever saw.
        Blythe, blythe, &c.
Her looks were like a flow’r in May,        10
  Her smile was like a simmer morn:
She tripped by the banks o’ Earn,
  As light’s a bird upon a thorn.
        Blythe, blythe, &c.
Her bonie face it was as meek        15
  As ony lamb upon a lea;
The evening sun was ne’er sae sweet,
  As was the blink o’ Phemie’s e’e.
        Blythe, blythe, &c.
The Highland hills I’ve wander’d wide,        20
  And o’er the Lawlands I hae been;
But Phemie was the blythest lass
  That ever trod the dewy green.
        Blythe, blythe, &c.
Note 1. Written at Oughtertyre. Phemie is Miss Euphemia Murray, a cousin of Sir William Murray of Oughtertyre.—Lang. [back]


Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.