Verse > Harvard Classics > Robert Burns > Poems and Songs
Robert Burns (1759–1796).  Poems and Songs.
The Harvard Classics.  1909–14.
207. Song—I’m O’er Young to Marry yet
Chorus.—I’m o’er young, I’m o’er young,
  I’m o’er young to marry yet;
I’m o’er young, ’twad be a sin
  To tak me frae my mammy yet.
I AM my mammny’s ae bairn,        5
  Wi’ unco folk I weary, sir;
And lying in a man’s bed,
  I’m fley’d it mak me eerie, sir.
      I’m o’er young, &c.
My mammie coft me a new gown,        10
  The kirk maun hae the gracing o’t;
Were I to lie wi’ you, kind Sir,
  I’m feared ye’d spoil the lacing o’t.
I’m o’er young, &c.
Hallowmass is come and gane,        15
  The nights are lang in winter, sir,
And you an’ I in ae bed,
  In trowth, I dare na venture, sir.
      I’m o’er young, &c.
Fu’ loud an’ shill the frosty wind        20
  Blaws thro’ the leafless timmer, sir;
But if ye come this gate again;
  I’ll aulder be gin simmer, sir.
      I’m o’er young, &c.


Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.