Verse > Harvard Classics > Robert Burns > Poems and Songs
Robert Burns (1759–1796).  Poems and Songs.
The Harvard Classics.  1909–14.
225. Song—Of a’ the Airts the Wind can Blaw
Tune—“Miss Admiral Gordon’s Strathspey.”
OF 1 a’ the airts the wind can blaw,
  I dearly like the west,
For there the bonie lassie lives,
  The lassie I lo’e best:
There’s wild-woods grow, and rivers row,        5
  And mony a hill between:
But day and night my fancys’ flight
  Is ever wi’ my Jean.
I see her in the dewy flowers,
  I see her sweet and fair:        10
I hear her in the tunefu’ birds,
  I hear her charm the air:
There’s not a bonie flower that springs,
  By fountain, shaw, or green;
There’s not a bonie bird that sings,        15
  But minds me o’ my Jean.
Note 1. Written during a separation from Mrs. Burns in their honeymoon. Burns was preparing a home at Ellisland; Mrs. Burns was at Mossgiel.—Lang. [back]


Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2015 · [Top 150] · Subjects · Titles · Authors · World Lit.