dots-menu
×

Home  »  The Poems and Songs  »  513 . Song—Steer her up and haud her gaun

Robert Burns (1759–1796). Poems and Songs.
The Harvard Classics. 1909–14.

513 . Song—Steer her up and haud her gaun

O STEER her up, an’ haud her gaun,

Her mither’s at the mill, jo;

An’ gin she winna tak a man,

E’en let her tak her will, jo.

First shore her wi’ a gentle kiss,

And ca’ anither gill, jo;

An’ gin she tak the thing amiss,

E’en let her flyte her fill, jo.

O steer her up, an’ be na blate,

An’ gin she tak it ill, jo,

Then leave the lassie till her fate,

And time nae langer spill, jo:

Ne’er break your heart for ae rebute,

But think upon it still, jo:

That gin the lassie winna do’t,

Ye’ll find anither will, jo.